Shehenshaah, baadshaah, aks-e-Ali, tu hai Abbas

(Tu hai baadshaah-e-wafa tu hai shehenshaah-e-wafa) x2
(Abbas ya Abbas) x3
Tu hai baadshaah-e-wafa tu hai shehenshaah-e-wafa
(Abbas ya Abbas) x3

Maula hai alam bardaar
akse haidere karaar
sheh ka qafla salaar
aisa hai tera kirdaar
insaano malaik kya
ye to khud khuda bola

(Abbas ya Abbas) x3
tu hai mushkilkusha
tu hai hajat rawa
Mujhko jo jo mila
tere dar ki ata
Ya abbas Ya Abbas

Kul ka kul wafa hai tu
mani e wafa hai tu
zainab ki rida hai tu
zahra ki dua hai tu
bus aisa Sabak dekar
Madar ne tujhe paala

(Abbas ya Abbas) x3
Tu hai baadshaah-e-wafa tu hai shehenshaah-e-wafa
(Abbas ya Abbas) x3

manga tha jo haider ne
bawaqte namaze shab
ik beta mujhe dede
karbal ke liye ya rab
hafiz bibiyon ka aur
sheh ka jo kamar hoga

(Abbas ya Abbas) x3
salaare qafla
sakina ka chacha
haan zainab ki rida
duae sayyeda
Ya abbas Ya Abbas

Kitna hogaya raazi
tujhse akbare mabood
tere dar se jo mange
deta hai tu la mahdood
tu babul hawaij hai
aisa hai laqab tera

(Abbas ya Abbas) x3
Tu hai baadshaah-e-wafa tu hai shehenshaah-e-wafa
(Abbas ya Abbas) x3

jata hi nahi koi
maidaa(n) mei bina talwaar
hai tareekh mei bus ik
betegh jo kiya tha waar
dushman peechhe hatne lage
pani par kiya qabza

(Abbas ya Abbas) x3
abbas bawafa
qatile nainawa
zabihe bekhata
shaheede Karbala
Ya Abbas Ya Abbas

haan bali sakina ka
kuza mun se jab chhuta
paani ret par tune
jab dekha to dil tutta
ghorde ka badal kar rukh
chalay jo sue dariya

(Abbas ya Abbas) x3
Tu hai baadshaah-e-wafa tu hai shehenshaah-e-wafa
(Abbas ya Abbas) x3

Sheh ne dekha khayme ke
dar se khun me dduba alam
kuza chhid gaya hai aur
hogaye hain bazu qalam
zeen se mun pe girta hai
ghorde se mera bhayya

(Abbas ya Abbas) x3
jo tera khun baha
bazu bhi katt gaya
zeen se mun par gira
sheh ne di ye sada

jab bhi zindagi mei ho
afat to na ho mayoos
wada hai tejani ka
hoja ghazi se manoos
jab bhi ho koi mushkil
dil se bus sada dena

(Abbas ya Abbas) x3
Tu hai baadshaah-e-wafa tu hai shehenshaah-e-wafa
(Abbas ya Abbas) x3